新玩具-台灣多功能漢方養生壺

昨天又敗家...買了一個新現具....台灣多功能漢方養生壺

此壺容量2公升, 有5級火力, 30W、60W、120W、600W及1000W。
30W 可以保溫; 60W燉湯及煲粥, 煲粥是水滾後45分鐘便可; 120W 可以煲湯、花茶、養生茶, 600W 及1000W適合快速煮食, 例如煮即食麵.....

家中只有3人, 因為唔想飲隔夜湯, 煲湯好難預計容量, 呢個煲的好處係唔會好去水, 煲3碗湯, 只需下3碗半水, 可以直接當燉盎用, 下材料, 大火煮沸後, 調至60W, 時間3小時, 一煲美味的燉湯好易完成。

此壺另一個好處是電座與玻璃壺是分開的, 玻璃壺可以整個放入水中清洗。

今日即刻試了"花旗參海螺乾燉瘦肉", 材料好簡單, 250克瘦肉, 花旗參20克, 海螺乾一隻(用冷水浸軟, 去腸), 紅棗5粒, 清水一公升(等於４碗水), 所有材料放入壺內, 先用1000W將水煮沸, 再調較至60W, 3小時, 唔使睇火, 時間夠自動熄機。

煲好了, 都不是揮發很多水份, 湯的味道很好, 跟燉湯差不多,

壺口有壺咀位, 倒湯出來很容易, 還可隔渣, 很方便。

材料雖然不多, 但湯水很濃, 很美味, 一人一碗剛剛好, 以後煲湯又有一個好幫手。