原本呢篇 blog 係諗住咁寫嘅 :
『 標題 : 珍寶 size 零食 ~ 姊姊家住加拿大，近日她托朋友帶了幾包 Temptations 比三隻貓貓享用，真的很多謝 ~
回家拆袋一看，嘩....真係好唔同喎，唔通外國的貓大食啲嘅?
香港買的......
加拿大來的.......
比較之下.......
加拿大來的份量多很多啊 ! 』
正當我將它紀錄在案之際.....突然間有個頭伸左入鏡頭內......
哈哈....原來是細細來踏場....Temptations 係佢至愛，咁大包....有排嘆囉....
細細 : 「我嘅..我嘅，邊個都唔準搶 ! 」
正啊...正啊...火雞味....索下先.....
無法喇，唯有改標題喇就下佢囉.....『霸王細細』!
上次用LC燉湯餘下了半條海參，今次用了花旗蔘及海參....一齊來燉湯~ 好用心機嫁...
材料 :
花旗蔘 半兩 (20克)
海參半條、瘦肉四兩 (130-150克)、紅棗 6粒
準備 :
我用原枝花旗蔘，係度又要多謝我家姐，是她在加拿大帶回給我的，沖水飲，花旗蔘的甘味在口中久久不散。 通常我會先用暖壺用滾水焗一晚，第一壺是用來直接飲用，然後取出已浸軟的花旗蔘切片，便可以用來燉湯。
做法 :
將瘦肉、海參、紅棗汆水，連同花旗參一同放入燉鍋，注入適量滾水，外鍋亦加入滾水，隔水燉 2-3小時便成。
話說上次整左 "心心芋盒"，今次來個續集，利用芋茸做另一款美食 「芋頭腐皮卷」。
芋茸做法可以睇呢度 ~ 心心芋盒第 1-7項 ，如果是全素食者，可以將豬油改為菜油。
材料 :
芋茸 半斤
腐皮 1張
麵粉 1湯匙、水 1湯匙 (混合成麵粉漿)
做法 :
1. 先用剪刀剪去腐皮硬邊，備用
2. 工作台上鋪上保鮮膜，將腐皮鋪上，四邊修剪成長方型，
3. 掃上少許麵粉漿，將餘下的腐皮鋪上 (由其是破損位)，
4. 然後鋪上芋茸，由於芋茸比較黏手，在上面再鋪上一層保鮮膜，用手弄平芋茸
可以用棍子或玻璃瓶按平，尾部預留 6-8吋空位 (不用鋪上芋茸)
5. 提起底部保鮮膜將腐皮卷起，
6. 腐皮收口位塗上麵粉漿，卷起後包上保鮮膜定型，放入冰箱雪半小時，
7. 切件，約半吋厚，留起頭尾部份用來試油溫，燒熱油鍋，試油溫，
8. 熱油炸一分鐘，或至金黃色，
9. 用吸油紙吸去多餘油份，上碟，可以點蘸喼汁伴食。
話說上次做左 「南乳叉燒 ~ 焗爐版」，叉燒味道一流，但用焗爐油煙太大，跟住的兩整天滿屋都是油煙味，後來燃點了兩天香薰才好些。 今次改用光波爐，油煙減少了，無油煙，叉燒肉質效果一樣咁好 ! 時間又短左，只需 20分鐘就食得!
今次去左超市買豬肉，揀左新鮮梅頭豬扒，一塊都有 3/4 吋厚，燒叉燒都啱用 ! (題外話，件豬扒咁厚，好難煎熟姐 
)，買左一斤 $40。
如在超市買，可以有得揀，揀些油花多啲的，焗出來的叉燒肉質鬆化腍身。(原理同和牛一樣 )
洗乾淨，抹乾水份才醃肉，會更入味，醃肉時間約 30分鐘，視乎肉塊厚度，醃製時間不需太長，醃過久除了會太鹹之外，肉類水份流失，會令肉質變粗嚡。
此時可以煮定蜜汁，留意不要煮得太稠，因為糖放涼後會變得硬身，難以塗抹，所以好似下面咁可以順勢流下便可，如涼變硬左，加少少熱水煮軟便可。
光波爐食譜中用的時間和度數是 250度 x 10 min，反轉 250度 x 5 min，
我會視乎食物的厚薄來調較，如果全程用250度，食物表面會焦燶難熟，薄身的叉燒可以用 220度 x 12 min，塗上蜜汁焗 3分鐘，反轉後塗上蜜汁，220度 x 3-4分鐘
用剪刀修剪焦燶部位。(呢件叉燒就係跟左原食譜用250度.....燶晒 ! 
)
斬件之後，再掃上蜜汁.....多啲多啲.....好好味呀 !
食譜 :
材料 :
梅頭肉 一斤 (可分成 2條)
調味料：
乾葱 2粒（剁茸）、蒜茸 3粒、砂糖 2.5湯匙、鹽 1茶匙、雞粉 1茶匙、麻醬 半湯匙、大南乳 半件、生抽 一湯匙、雞蛋 一隻、五香粉 1/3茶匙、玫瑰露酒 半湯匙
蜜汁料：
麥芽糖 2大匙、水 1/4 碗、薑 2片、鹽 1/4 茶匙
.....唔會瞓錯位 !
