2010年10月30日 上午 11 時
今日要與你分手了，多謝你 18年零7個月天天為我辛勞，今日你可以榮休喇 ~ ~ 再見煤氣爐 
煤氣公司來拆爐，封了煤氣咀
2010年10月31日 下午 3 時
新寵上場 ~ 樂聲電磁爐 KY-C227B ~ 選擇你是我一生重大的決定，從未接觸過電磁爐的我，要重新學習如何使用無火煮食，希望你可以為我每天烹煮更多美食之外，還要為我荷包慳慳啊 !
新爐比較矮，要做個架將佢升高，否則我條腰骨一定唔掂 ! !
2010年10月27日 星期三
受死喇 ! 
2010年10月25日 星期一
雞蛋變身~芙蓉豆腐+法式焦糖布甸
很久沒有整甜品吃了! 剛巧剩了一盒淡忌廉，於是做了"法式焦糖燉蛋" ，卻因此又剩了很多蛋白，於是又要動動腦筋，不要浪費食物嘛 ~ ~ 想起以前睇過一些食譜是用蛋白+豆漿做豆腐，於是試做了，哈哈~ 又成功左 
，囡囡話好滑好好味 !
「雞蛋變身 ~ 咸食法 : 芙蓉豆腐」
材料 :
蛋白 5隻 (約150克)
無糖鮮豆漿 250克
雞粉 半茶匙 (素食可不下)
做法 :
1. 先將豆漿放入微波爐叮熱，(一定要用熱豆漿，否則很難蒸至凝固)
2. 蛋白用蛋拂輕輕打散，不要起太多泡，此時可加入雞粉
3. 將熱豆漿加入蛋白內攪勻，過篩除去面泡倒入蒸碟內
4. 我家有 "豬頭炳"，蓋在碟子上 (或用錫紙包好碟子，要留少少位疏氣，不要封密)
5. 水滾計時中火蒸3分鐘，轉慢火蒸 10分鐘
6. 完成 ~ 芙蓉豆腐 (用有機豆漿豆味很濃，真的很似豆腐，很軟滑~)
7. 可加上任何材料增添味道，今次用了 "海皇醬" & "蝦皮"
8. 蝦皮用少少油爆香，鋪在上面，爆香了的蝦皮脆脆，很香口。加上少少辣的海皇醬，再加一點頭抽，好惹味!
「雞蛋變身 ~ 甜食法 : 法式焦糖燉蛋」
材料 (將5-6杯) :
(A) 蛋黃 5隻 (約90克) 全蛋 1隻
(B) 砂糖 30克 淡忌廉 225克 鮮奶 100 克 雲呢拿籽膏 半茶匙
做法 :
1) 將 (B)材料加熱至60度左右
2) 將 (A)材料拂勻，將熱奶隨隨加入攪拌
3) 蛋漿過篩，入焗杯，焗盤注入熱水約1CM高
4) 入爐放低層， 150-160度焗 15-20分鐘
5) 取出，面灑上黃糖粉，用火槍燒溶
食時個焦糖面是一片硬脆糖，可以用小匙鼓響....卜卜拷碎後入面是奶味香濃的燉蛋，這個甜度剛剛好 ~
2010年10月24日 星期日
和牛漢堡扒@光波爐
早日屯門 taste 有日本和牛展銷位，雖然做半價，但一片和牛半價後也要 $408元，很貴啊 ~ 再看看其他，有款澳洲和牛漢堡扒原價 $48，現在半價 $24，於是買了 3 件回家，嚐一嚐它的味道 ~
今次要光波爐幫手，因為個扒都幾厚，如果用明火比較難煎熟，用光波爐可以唔使解將扒扒解凍，光波爐預熱3分鐘之後，直接放上煎碟焗。
我 set 左 240度 x 12分鐘，(中段時間要反轉食物)
另一邊開爐將漢堡包烤熱。
焗左 8分鐘，已經見到個扒扒出左好多油，有點焦焦的，此時反轉扒扒再烤餘下時間。
超多油煙係個鍋子入面，白朦朦，好勁煙呀 ~
不過無乜煙走出鍋子外，四周亦不熱，如果用明火煎，個廚房肯定大煙到不得了 !
完成喇，加上茄醬及甜瓜，美味的漢堡包上碟 lu !
切開入面剛剛熟，個扒扒好厚，但係一啲都唔嚡，好味 !
訂閱：
文章 (Atom)