最愛魷魚絲
早前釀製梅酒,留下了梅子肉,酸酸甜甜又有酒香,很好吃,可以當口果。
試下攪攪新意,將佢做成果凍,又有新驚喜
材料 : (容器: 六個裝矽膠模1個)
釀酒後取出的梅子 6粒
梅酒 60克
水 250克
砂糖 30克
果凍粉 12克
作法 :
1. 梅子去核,梅肉切碎備用
2. 取小鍋子,加入水、果凍粉及砂糖用小火煮至溶解
3. 熄火,加入梅酒及梅子肉攪勻
4. 入模,放入雪櫃冷藏一小時,脫模便可享用
夏日齋菜 ~ 用智能煲幫手,好快可以上桌
材料 :
冬瓜環 1斤半 至 2斤
雞湯 250 ml (1杯)
齋菜方面 : 可以選擇你喜歡的材料,今次我用左 : 豆腐卜、鮮腐竹、雲耳、冬菇
調味 : 雞湯適量、 蠔油 2湯匙、 麻油少許、鹽少許、生粉水埋芡
做法 :
1. 冬瓜環去皮去芯成一圈形。 直接將冬瓜環、雞湯 250 ml 放入智能煲,調較時間 3分鐘,完成後待氣壓計自動垂下。
2. 小心取出冬瓜環放在碟子裡,鍋子內的湯汁盛起備用。
3. 燒熱油鑊,加入(2) 的湯汁,另加入適量雞湯,將齋菜材料放入鑊中煮熟,加入蠔油及鹽調味,水份略收乾,加入麻油,然後加入生粉水埋芡,熄火後將齋菜盛於冬瓜環中央,四邊淋上汁液便可。
買左光波爐有一年了,但係原來我好少用過佢焗蛋糕。 今晚食完飯有時間,摷下食物櫃,找到了紅莓、榛子粉、松子仁....每樣都用剩了少少,集埋一齊又夠料,開工做個鬆餅。
成品出來喇 ~ 個餅面燶左少少,不過咬落外脆內軟,效果又唔錯喎 !
材料 : (6個大蛋撻模)
紅莓乾 50克 (熱水浸軟5分鐘,隔去水份切碎備用)
松子仁 30克 (用白鑊細火炒香備用)
麵粉 50克
榛子粉 30克
泡打粉 1/2茶匙
牛油 50克
糖霜 30克
雞蛋 1隻
水 2湯匙
作法 : (全手動)
1. 牛油室溫放軟,加入糖霜 用打蛋器攪拌至淡黃色
2. 加入雞蛋及水混合,然後順次序加入麵粉、榛子粉、泡打粉混合成糊狀
3. 最後加入紅莓碎、松子仁混合
4. 取6個蛋撻模,加入紙托,將麵糊倒入撻模
5. 光波爐置底架,放入撻模,180度烤焗約10分鐘,轉170度再焗10分鐘 (全程20分鐘)
入爐喇 ~
光波中....10分鐘後表面已金黃,此時可較低溫度至170度繼續烤焗
香噴噴的鬆餅出爐喇 ~
p.s. - 因為光波爐是圓形,所以用蛋撻模便最適合不過。而且撻模又便宜,幾蚊有交易,環保又健康...點解? 因為鬆餅紙杯通常都有一層蠟面,無人知道經過高溫之後會變成點,為了家人的健康,都是少用為妙 。
夏天無胃口 ?
來一客「蕃茄蛋拌麵」 ~ 酸酸甜甜好醒胃,素食者又o岩,減肥更o岩 key !
另外加入了雲耳,除了爽口之外,還有藥膳的攻效,大朋友小朋友在日常飲食中加入有益身體的食材,可收保健之效。
雲耳 - 性味甘平,歸胃、大腸經,有涼血止血的功效,對於咳血、痔血、便秘等症均有良效。多食木耳、雲耳,除了有助於降低血脂肪、通血管,更可改善心血管疾病。
只要煮好個主角「蕃茄蛋」,你可以撈麵又得、撈飯又得、長通粉、通心粉、韓式年糕....撈乜都得 ! 今日我揀左韓國烏冬,麵質好彈牙。
但係要點先可以keep 住個蕃茄蛋好味,我個秘訣就係用罐頭蕃茄喇 ! 唔好以為罐頭無好嘢,其實茶餐廳,甚至大廚 Jamie Oliver,都成有用罐頭蕃茄,Jamie 都話佢好放便 。今日係吉吉島就可以買齊材料,放工先去買材料都唔遲。
材料 : (3人份量)
新鮮蕃茄 1個
罐頭蕃茄粒 1罐
雞蛋 3隻
雲耳 適量
韓國烏冬 3個
調味料 : 糖 3-4茶匙 鹽半茶匙 雞粉 1/3茶匙 茄汁 1湯匙 清水半碗
做法:
1) 新鮮蕃茄切粒,雲耳用水浸軟,切去底部硬粒備用
2) 雞蛋拂勻,燒熱油鑊,倒入 1/3份量的蛋汁煎成蛋皮 (有少少焦會香口啲),盛起,再重覆完成餘下2塊蛋皮,然後將蛋皮切成大塊狀備用。
3) 下蕃茄粒略炒,然後下罐頭蕃茄及雲耳,加入調味料煮10分鐘
4) 下雞蛋,煮至汁濃即可
5) 烏冬用滾水燙熟,過冷河 (我用冰水浸一會,這才有涼麵的效果啊...呵呵)
6) 淋上蕃茄蛋就可以開餐喇 >o<
草菇 + 腐皮 ....你會諗到乜野菜式 ? 素菜要好吃就要花點心思,工序可能多少少,但係只要有人捧場就乜都值番晒咧
材料 :
草菇、腐皮 3張、蠔油 2湯匙、麻油少許,生粉水適量
作法 :
1. 草菇洗淨,放入鍋子加入蠔油及一碗半清水煮 15分鐘,熄火加入少許麻油,放涼
2. 待涼後,將草菇切碎,草菇汁留起備用
3. 腐皮用剪刀除去硬邊,準備一個底盤 (我用焗爐的焗盤,放便包餡料時容易定型)
4. 將腐皮鋪在焗盤上,在焗盤位置掃上一層草菇汁,下方鋪上 1/3份量的草菇餡料
5. 將左右兩邊的腐皮向中間摺疊起來,每邊都掃上一層草菇汁,
6. 跟著將下方的腐皮摺向上捲起
7. 尾部掃上生粉水埋口,可將尾部腐皮修齊整。 重覆完成餘下2條。
8. 燒熱油鑊,將素鵝卷煎至金黃色,
9. 加入餘下的草菇汁及半碗清水 ,加入一湯匙蠔油,蓋上蓋子炆至汁濃便可上碟。
蒸的做法:
完成步驟 1-7,將素鵝置於碟子上,隔水大火蒸25分鐘,待涼放入雪櫃雪一晚,取出用熱油炸香即成香脆的素鵝。
晚餐不想吃太多肉 ? 吃豆腐最o岩 key !
配合蝦子一齊煮,又是一道好送飯的菜色 ~
做法好簡單,材料 :
布包豆腐 3-4件
雞湯 1盒 (250ml)
蠔油 2湯匙
蝦子 適量
做法:
將雞湯、豆腐放入鍋中煮滾,加入蠔油及少許鹽調味,加入蝦子煮一會,埋芡便可上碟。
豆腐不單是傳統中國美食,營養價值也很高。豆腐富含蛋白質,可與肉類相比,但豆腐不含肉類油脂,不會令人肥胖,也不會引起心血管病。豆腐是「植物中之肉」,「有肉料之功,而無肉料之毒」。
除此之外,豆腐含鈣,能幫助骨骼生長,使兒童快高長大。
最近醫學研究更發現, 經常吃豆腐,可以清除血液內有毒重金屬,預防癌症, 幫助人體神經、血管、大腦的發育。
飯後一杯凍飲 .....正
用雪糕機製作冰沙,質地幼滑,冰沙入口超綿,給我一個驚喜 ~
材料 (2人份) :
草莓 10-12粒
益力多 2支
冰水 250ml (1杯)
作法 :
1. 草莓和冰水放入攪拌機打成草莓汁,加入益力多混合,
2. 再倒入啟動的雪糕機內攪拌10-20分鐘即可。