全手工~豆沙鍋餅，看似很大工程，其實是分開兩日做，啲豆沙係自己煲紅豆炒成的，我用有機紅豆，糖份完全由自己控制可以落少啲，而且不下豬油及添加劑，比起街外買的豆沙更健康，食得更放心 !
自家製紅豆蓉 300克 (做法可以參考呢度 ==> 紅豆酥餅，由於今次要甜啲，所以砂糖加至 80克)
餅皮材料 : (可做 5-6件)
中筋粉 150克
鷹栗粉 17克
鹽 2克
雞蛋 1隻 (或蛋液 50克)
清水 250克
餅皮做法 :
1. 將中筋粉、鷹栗粉過篩，鹽、水溶解，全蛋打散待用
2. 將所有餅皮材料放入大碗內，順一方向攪拌成幼滑麵糊，蓋上保鮮膜麵糊醒約30分鐘
3. 平底鍋加熱 3-4分鐘，用廚房紙塗抹一層油，轉用中小火倒入適量用麵糊，隨即拿起平底鍋快速晃一圈，使鍋底佈滿一層薄薄麵糊，待麵糊顏色變微黃，邊緣微捲起隨即盛出
4. 將 50-60克紅豆蓉 (多少隨意) 包在餅皮中央，如紅豆蓉太黏手，可以用保鮮膜隔著按平
5. 摺成長方形，不要露出餡料
6. 將鍋餅放入平底鍋用薄油煎烙，呈現兩面金黃酥脆即為豆沙鍋餅。
近年來身體上的關節毛病多了，首先是腰傷，說來都有十年了；其後是肩周炎，因為長時間用電腦，公司枱面位置高，手臂時常定位用滑鼠，弄差了。
上月初不小心跣底在地上，幸好沒有傷及舊患，不過膝蓋撞傷左，當時只是一點點痛，都沒有理會，但過了2星期，痛楚加劇，舉步難行，去看我的醫師，做了治療但痛楚沒有減退，由於外表完全沒有傷口，都唔知點形容比醫生知，結果唯有每晚都好勤力摔跌打酒。 我想是因為傷了軟骨吧 !
痛了個幾月，既然醫生看不好，不如去看看民間的偏方，心想試下都無妨，這個偏方又是公司的同事給我，她們在公司浸製 "洋蔥紅酒"，每日早晚飲一小杯，我又跟隨浸了一樽，現在才飲了五天，今早起床腳下地時痛楚減小了，心想.....是它的功效嗎?
以下是原文:
洋葱葡萄酒 的 驚人效果
自從患上高血壓後不久，改服用葡萄酒浸洋葱，現在風濕骨痛沒有再來
每天只喝少量洋葱葡萄酒，可治療下列病症，而且效果驚人：
1. 治療膝蓋疼痛，白內障、老人痴呆症，在日本非常盛行。
2. 可令吃藥也無法降低的高血壓，恢復正常和安定。
3. 令頑固的糖尿病中的難以降低的血糖成份下降。
4. 改善惱人的老花眼，一般閱讀可不戴眼鏡。
5. 可消除夜晚頻尿症，兩日後便即見效。
6. 消除非安眠藥相助，不能入睡的失眠症。
7. 也消除半夜醒後，不能再次入睡的失眠症。
8. 治療慢性的眼睛疲勞和經常模糊不清的毛病，次日便見效。
材料：
1. 洋葱：一至兩個 (用紫色洋葱較為可口)
2. 紅葡萄酒：四百至五百亳升，喜歡甜的可加適量蜂蜜。
製法：
1. 洗淨洋葱，包括茶色外表皮，切成約八等份。
2. 將洋葱和葡萄酒一起裝入玻璃瓶。
3. 蓋好密封，置陰涼處兩至八天。
4. 過濾，將洋葱與酒分開，各裝入瓶，置入冰箱冷藏。
飲用方法：
1. 每日服量約1/4杯(50毫升)，年長者一次約20毫升左右。
2. 每日一至兩次。
3. 同時可服食浸過的洋葱片。
自從有了光波爐幫手之後，一些看似好難的菜色已經無難度。
以前放工回家為了省時間，都是煮些簡單的蒸餸，炒碟菜便算一餐。依家唔同晒 lu....輕易咁就可以有美味燒雞成為桌上佳餚......
皮脆肉汁又多，一隻雞....老公食左2隻脾....亞囡要左一隻雞翼同大部份的雞胸肉....我呢....一隻雞翼和雞殼....就係咁隻雞好快被我地一家人肢解左喇.....
屋企買落好多調味料，醃雞....我冇份量嫁....就是靠20幾年的煮飯經驗....拿起來就加落去....用膠袋入晒入去醃一晚....
第二日放工返到屋企....洗洗手....係雪櫃拎隻雞出來....放入光波爐....set 個時間掣...230度 x 15分鐘....聽到 bee bee 響....反轉隻雞再 set 230度 x 10 分鐘...
光波中.....無油煙....燒完隻雞個廚房都唔會好大味.....
頭尾都係用左 30分鐘左右....有得食
以前用焗爐轉轉下燒雞....醃完隻雞用手上叉時弄到雙手油淋淋....又要焗成一個小時....所以一、兩次之後已經無再整....依家唔同晒 lu....又唔使開油鑊，又乾淨，
真真愛上你 
星期日睇電視時見幟哥介紹整芝士大磨菇，佢簡單咁介紹左啲材料次後，好快手釀好餡料便放入油鑊煎，我金精火眼咁望住佢點整，之後照辦煮碗又學佢的方法，不過用油鑊煎會有好多油煙，有架罉點可以唔用? 我用了光波爐幫手，唔信你唔掂 !
嘻嘻 ~ 得左 ! 有左上次失敗的經驗，發現原來煮油份少的食材必須掃上適量油份在食材表面，才可有金黃香脆的效果，否則表面又乾又燶都未熟。
【材料】
BBQ菇 3隻 (大 SIZE)
【餡料 (都是隨意)】
紅洋蔥 半個切碎
煙肉4片 切碎
芝士碎 3-4湯匙 (可隨意加減)
鹽 1/3 茶匙
黑胡椒粉 半茶匙
生粉 1-1/2 湯匙
【做法】
1. 將所有餡料材料混合，BBQ菇抹乾淨，塗上少許生粉，將適量餡料釀入BBQ菇
2. 光波爐置底架，將BBQ菇放在煎碟上，表面塗上油 (我用噴油壺)，多一點也不怕
3. 230度 X 10分鐘至表面有少許金黃，此時取一張錫紙鋪在BBQ菇表面，上面加一把全金屬的小刀或叉子壓實，再用 230度 X 7-8分鐘便成 (視乎你釀餡有幾厚)
(鋪上錫紙可避免表面太燶而裡面又未熟，用刀子壓實錫紙可避免鍚紙被光波風吸左上去蓋子上，原理同用焗爐一樣)
切開入面芝士溶化，YUMMY
