當你一家大細都外出返工返學的時候,你的貓貓寶貝會做乜野呢?
當然係瞓覺喇,不過係邊度瞓呢?
趁著農曆新年假期,突擊檢查.....三隻衰豬唯一有同一行動的時間 .......
睇真啲....
早前在東南亞商店買了這瓶班蘭香油,簡簡單單做了一個戚風蛋糕。
鬆軟的蛋糕加上班蘭的香味,你也來試做吧 !
材料 :
蛋黃 3個
砂糖 70克
菜油 50克
水 50克
低粉 80克
蛋白 4個
班蘭香油 小許
做法 :
1. 蛋黃加入 1/3份量的糖用打蛋器攪拌 (手攪),加入水、菜油及班蘭香油拌勻,再慢慢加入已篩好的麵粉攪拌至無粒粒
2. 蛋白放入另一盛盤,用電動打蛋機打法至起泡 (機攪),將餘下的 2/3砂糖分2-3次加入打法成尖角企身
3. 將 1/3 的蛋白加入麵粉糊內用打蛋器攪拌幾下 ,然後將麵粉糊倒回入 2/3 蛋白盤內快手由底兜向面攪勻,不要攪破氣泡 (全程手攪)
4. 倒入已塗油的戚風模內,(如沒有戚風模,可用6吋圓形模代替),用手輕輕敲幾下
5. 焗爐預熱180度,180度 x 25-30分鐘,出爐後反轉待完全涼透便可脫模
今次學西餅班學左整泡芙,做法與炸蛋球差不多,不過泡芙是用焗爐,而炸蛋球是用油炸,各有各好味 !
今次泡芙裡面用左吉士忌廉,簡單d可以用即用吉士粉,加上鮮奶混合便可,很易做。 (即用吉士做法可參考呢度 => click )
【材料】
低筋麵粉 168克 (過篩備用)
牛奶 84克
水 84克
牛油 168克
全蛋 200克
【做法】
1) 牛奶、水、牛油放入鍋子內加熱至牛油溶化。
2) 牛油溶化後,繼續煲至大滾,一口氣將麵粉全部倒入鍋內,改小火,用木匙快手攪勻直至不見白色麵粉粒,離火,再攪拌至薯茸狀。
3) 麵糊待涼至70度左右,加入一隻雞蛋攪拌均勻 (可用棍手攪或攪拌器),然後逐隻加入攪拌直至混合成軟糊狀,蛋糊呈現倒三角狀態。
4) 將麵糊放入唧袋,在已掃油的烤盤上唧成圓形,每個餅之間要留 2-3寸空間膨脹
(呢個唧得唔靚,要圓啲,最好用 1 cm 以上的圓唧咀,距離要再分開啲)
5) 在泡芙面噴水,
6) 然後塗上蛋液
7) 預熱焗爐,放中層 200度 x 20 分鐘
8) 取出待完全涼透後,在底部唧入吉士忌廉便完成
小學的時侯,吉百利有一種排裝朱古力,印象中好似叫 "吉百利滴滴金朱古力"。
是一層薄朱古力裡面包住金黃色的脆脆糖,唔係麥提莎,因為麥提莎裡面係麥芽味脆脆,而滴滴金應是焦糖脆脆。
早前學了整美心的焦糖脆脆天使蛋糕,當中的焦糖脆糖領我想起了小時候的滴滴金朱古力,一於動手整朱古力~
你睇吓幾靚,重好好味添,濃濃的焦糖味與朱古力一起在口中溶化,個中滋味你想唔想試 ?
材料 :
砂糖 100克
粟膠 25克
清水 25克
梳打粉 5克
朱古力磚 200克
牛油紙一張
做法 :
1. 將糖、粟膠、水煮至起泡至少許金黃色
(不要完全變成焦黃,微黃便可,如果唔係出來的糖會好深色)
2. 梳打粉過篩,加入糖漿拌勻,然後快手倒在牛油紙上放涼
3. 將朱古力磚坐熱水坐溶,將已凝固的焦糖切成丁方形,每粒包上朱古力,再放回在牛油紙上待朱古力乾透。
4. 完成喇
天氣凍,身為半個家庭煮婦的我,真係唔知煮乜野餸,啲餸煮起上枱一陣間便凍晒。打邊爐都幾好,但係總唔可以晚晚都食火鍋,行左街市一個圈,好想食桂花魚,於是買齊配料,一於整一煲 "桂花魚鍋",放在GAS爐上熱住慢慢食,唔.....熱辣辣....連湯都飲埋,好好味呀 !
今次係豆腐檔買左一包 "嚮鈴卷",其實係炸腐皮卷,早 5-6年前在九龍城吃火鍋時是必點之菜色,用筷子夾一卷,放入火鍋湯中,心數 1..2..3.. 三秒便要立即夾起,不要燙多過三秒呀,如果唔係太燜就唔好食嫁喇 ~~
桂花魚鍋材料任君選擇,今次我以豆類食品為主,
1. 先將桂花魚洗淨,煎香
2. 加入熱水 3-4碗煮滾,可以加入一粒濃湯寶, 將魚放埋一邊,放入配料排好,再將魚放在配料上,待水再滾起便可原鑊上桌,放在火爐上一邊加熱,一邊進食。
每年農曆年初七是爸爸生日,爸爸屬兔,明年便是72歲。今年特別為他做生日宴,訂了在尖沙咀滬江食上海菜。細佬買了一條頸巾給他,近來天氣寒冷,真係好啱用
睇完咁開心的照片,跟住梗係是晚的菜餚喇,大部份都係滬江的招牌菜,當晚好多人,3日前已打電話訂定北京填鴨和豆腐餃子,其他都是當晚即點菜牌,因為之前在電視節目中看了上海人過年時吃的新年菜式,所以我也點了幾樣嘢試吓
前菜 (苔菜炸花生,豆腐乾)
醉香乳鴿
素鵝
舢紅蜇頭
肴肉
拍黃瓜
奄篤鮮
椒鹽元蹄
蔥爆牛肉
北京填鴨
炒鴨絲
松子桂魚
清炒蝦仁
豆腐餃子
金華蛋白炒飯
津白肉絲炒年糕
高力豆沙
拔絲香蕉