20年後的嫁妝

日前看報紙報導千億新抱已為女兒預備了日後的嫁妝，便是儲起某年份的紅酒。

我想是否人人都愛飲紅酒呢? 

想一想，當年我也為女兒預備了一份嫁妝，就是以下這一大樽 "咸柑桔"，數一數已有十多年了。

給囡囡的說話 : 「希望他日你也能照顧及愛護你的家庭，就像媽媽現在給妳的愛護一樣延續下去 」

聖誕樹頭蛋糕

第一次做聖誕蛋糕，好味又好玩 !  

食譜 :

1. 蛋糕體 : 材料及做法請參考 ~ 朱古力瑞士卷 ，餡料可改用任何喜歡的味道；

2. 朱古力裝飾屋仔 : 用熱水坐溶朱古力粒，放入紙袋，唧出屋型組件，靜待一會乾透後再組合成屋型；

3. 朱古力外層 : 用熱水坐溶朱古力粒，淋在蛋糕卷上，用叉子畫出樹紋圖案，最後放上裝飾及灑上糖粉便完成。

 

其實呢個先至係我做的蛋糕，嘻嘻

下面個咁靚o既其實係老師的作品，借來post 下囉 ~

脫水雞肉

脫水雞肉，1包有 800克，有點似合味道杯麵內的脫水料，美國製做，人類食用級數；SIZE 約 1吋 X 1吋丁方大，切碎加入乾糧或當作小食都得，我家3位小姐非常喜愛   。 貓狗都o岩食

 

朱古力磚

在新信興買的朱古力磚, 新加坡製造，1包有 2.5 KG, $120.00

 

蒲燒鰻魚@光波爐

上星期五買了半條大鱔 (要上半身)，叫檔主起骨，晚上用光波爐燒焗，嘩嘩嘩...好味到唔停得口，由其是鱔骨，入晒味，愛吃魚骨的人一定鍾意

用左呢隻晚餐館的鰻魚汁掃上魚身燒焗，味道很香。

做法 :

1) 鰻魚洗淨抹乾水份，切成2件， 用鹽半茶匙，味醂，日本料理酒，生抽，鰻魚汁各一湯匙混合醃半小時；

2) 用竹簽將鰻魚定位，以免魚皮遇熱收縮；

3) 光波爐預熱3分鐘，置低架，魚皮向下，用230度 X 8分鐘，約5分鐘後開始揭蓋掃上鰻魚汁2-3次；每次掃汁後都燒一分鐘後才加第二次；唔夠色可再燒多1分鐘；

4) 反轉後，魚皮向上，掃上鰻魚汁，用250度 X 3分鐘，再掃多一次燒 1-2分鐘，燒起後表皮更加入味；

 

士多啤梨瑞士卷

用了4盒士多啤梨做成的果醬，用來做瑞士卷的餡料&伴碟，yummy  

 

士多啤梨拿破侖

 近日街市裡有很多很多士多啤梨售賣，粒粒大小均勻，又平又甜，一口氣買了六盒不同牌子的士多啤梨，4盒用來做果醬，另外 2盒韓國來的特別甜，見到好友做了拿破侖，我又要...不過我比較懶，不是搓酥皮，而是用即用酥皮，慳工夫，好快做好這個下午茶點。

材料 :

即用酥皮  1 片

雞蛋      1隻

士多啤梨    12-15粒 (切片)

免煮吉士粉    100克

紙包鮮奶      250 ml

防潮糖霜      少許 (裝飾用)

做法 :

1) 取一片酥皮解凍，切成四片正方形，取用3片 ; 在工作台上撒上高筋粉，放上一片酥皮，表面再撒上高筋粉，用麵棒略壓平，重覆做另外兩片。

2) 焗爐預熱 200度，將酥皮放上烤盤，用叉子拮孔，掃上蛋液，用 200度焗 12-15分鐘，取出待涼備用。 (如用光波爐，預熱3分鐘，用低架，有孔焗盤，一樣用 200度焗 12-15分鐘)

3) 鮮奶加入免煮吉士粉攪勻，放入唧袋待用；士多啤梨切片備用

4) 合成 : 取一片已焗酥皮，唧上吉士忌廉，鋪上士多啤梨，再唧上另一層忌廉；重覆做第二層，最後放上第三片酥皮，灑上防潮糖霜及裝飾即成。

小貼士 :

A) 酥皮掃蛋液時不要掃到四邊，否則會黏著升唔高；

B) 免煮吉士粉，用鮮奶開又得，用凍水開又得，我鐘意用鮮奶香滑 d，要先落奶，然後才下吉士粉比較容易攪勻；